[ВИДЕО] Драма во Франција: Се урна хеликоптер за гаснење пожари

Хеликоптер за гаснење пожари на противпожарната служба на округот Финистер во Франција се урна во езеро во Роспорден додека учествуваше во гаснење пожар.

Пилотот и еден пожарникар успеале безбедно да го напуштат леталото и се вратиле на брегот, пренесуваат француските медиуми. Во несреќата која се случила синоќа нема повредени.

Хеликоптерот, тип „Моран 29“, бил ангажиран за гаснење пожар во близина на куќи. Пред падот, при полнење вода од езерото, леталото се приближило премногу блиску до површината, што предизвикало негово урнување.

Снимката од несреќата брзо стана вирална на социјалните мрежи. Хеликоптерот бил дел од редовни летови за справување со пожарите во регионот. Претходно, во истата област биле изведени 27 акции на гаснење пожари од воздух, со што се спасени околу 10 хектари вегетација.

Истрагата ќе ги утврди точните околности на несреќата, а „Моран 29“ ќе биде заменет со нов хеликоптер.

Video of a helicopter crash in Bretagne (France). All 2 aboard survived. The AS 350 was operated by local firefighters, accident happened when refilling a water bucket in Rosporden. Source: InfosFrancaises . Updates when possible. pic.twitter.com/38CuNGx540

— Air Safety #OTD by Francisco Cunha (@OnDisasters) August 25, 2025