Градоначалникот на Општина Кисела Вода, Орце Ѓорѓиевски, соопшти дека целосно е реконструирана улицата „Дебарска“, една од пофреквентните сообраќајници во општината која подолг период била во многу лоша состојба.
Со обновата, улицата добила сосема нов изглед, а за дополнителна сигурност биле поставени и забавувачи на брзината, со што се создава побезбедна средина за сите учесници во сообраќајот.
„Со ваквите проекти целосно го менуваме ликот на Кисела Вода. Ова е уште еден доказ дека нашата стратегија за целосна инфраструктурна обнова не е само бледо ветување. Најдоброто допрва доаѓа,“ истакна Ѓорѓиевски.
