Првиот заменик-претседател на Владата и министер за животна средина и просторно планирање, Изет Меџити, истакна дека Обвинителството има законска обврска да покрене случај по наодите на Државниот завод за ревизија за организацијата на Самитот на ОБСЕ.
„Кога ќе констатира Државниот завод за ревизија, Обвинителството треба да покрене таков случај, а ние ќе го поттикнеме процесот. Ништо ново за Османи – секаде каде што бил, се забележани злоупотреби. Само тој може да објасни како милион евра може да се потрошат за еден ден на рентакар во мала Македонија“, рече Меџити.
Тој исто така ја критикуваше употребата на службени мејлови за кампања од страна на поранешниот шеф на кабинетот на Османи, Мемеџаку, дури и како член на опозицијата.
Во врска со најавената реконструкција на Владата од премиерот, Меџити рече дека сега се фокусирани на локалните избори, но оти ќе продолжат разговорите со владините партнери кога ќе дојде време за промени.
