Европските фабрики за оружје се шират со историско темпо
Европските фабрики за оружје бележат трократно поголема експанзија отколку во мирнодопски времиња, при што анализа на сателитски податоци откри повеќе од седум милиони квадратни метри нови индустриски капацитети, што сведочи за масовно наоружување.
Градбата на објекти за производство на муниција и проектили се забрзала по почетокот на руската инвазија на Украина во 2022 година. Според „Фајненшл Тајмс“, овие активности ја одразуваат стратешката трансформација на европската одбранбена индустрија, од моделот „just-in-time“ кон индустриска база за долгорочна воена подготвеност.
Анализата, базирана на податоци од преку 1.000 прелети на радарскиот сателит Sentinel-1 на Европската вселенска агенција, опфати 150 локации на 37 компании. Претпоставките покажуваат дека околу третина од нив бележи експанзија или нови градежни активности, што укажува на генерациски поместок во наоружувањето.
Највидливи примери се проширувањето на заедничкиот проект на германскиот одбранбен гигант „Рајнметал“ и унгарската државна компанија „N7 Holding“, каде што новата фабрика произведува муниција за пешадиски борбени возила, артелериски гранати и муниција за тенкови „Леопард 2“.
Поддршката од Европската унија преку програмата ASAP, вредна 500 милиони евра, дополнително го забрза ширењето на 20 локации, но официјалните лица предупредуваат дека реалната продукција ќе остане под максималниот потенцијал, додека способностите за удари со голем дострел сè уште се сериозен предизвик за Европа.
