Денеска, министерката за финансии Гордана Димитриеска-Кочоска имаше средба со новоименуваниот економски аташе на САД, г. Барнабас Биркланд, и економскиот советник г. Јордан Дамчевски. На средбата се разговараше за унапредување на стратешкото партнерство меѓу Северна Македонија и САД, кое од независноста континуирано ја поддржува земјата.
Министерката Димитриеска-Кочоска истакна дека ова партнерство е клучно за спроведување на реформите, унапредување на демократските процеси, владеење на правото, економски просперитет и обезбедување стабилност и развој.
Соговорниците исто така потенцираа на поддршката од Трезорот на САД за градење капацитети во Министерството за финансии и обезбедување фискална одржливост. Договорено е соработката да продолжи и во иднина со фокус на стабилност и економски развој.
