Перо Камиказа распали по градоначалникот Митко Јанчев: “Ти прави лимонада, ние ќе полниме арени”

Петар Георгиевски, во јавноста познат како Перо Камиказа, остро се спротивстави на кавадаречкиот градоначалник Митко Јанчев. Во исто време јавно изрази поддршка за Спасен Силјановски, при што не се воздржа од критики кон Јанчев. Георгиевски потсети и на успесите на неговата група „Меморија“, истакнувајќи дека успеале да продадат 6.000 билети за концертот во арената „Борис Трајковски“.

Неговиот статус го пренесуваме во продолжение:

Мој, мој па преку мој господине Јанчев!

Јас и овој ликот изгледа живееме во две различни држави! Да му кажам дека Меморија продаде преку 6000 влезници во арената Борис Трајковски. Значи исто, ако не и повеќе, од сите звезди од соседтството!!! Ни еден концерт на тие звезди, не беше ни сличен по техничка опременост и креативна обработка на оние кој ги плаќате со десетици иљади евра . Нивните концерти се само гола тезга и ништо друго!!! Тука не ги мешам вкусовите и публиката, но ако кај нас имаше на десетици автобуси од цела Македонија, треба да ти кажам дека имаше и преку 500 тини нашинци кој специално со цели семејства допатуваа од разни држави од светот за да го гледаат и присуствуваат на овој спектакл. Тоа што ти си зафатен со правење лимонада и не знаеш што се случува во државата е твој проблем!!!! Значи ако платиле близу 6000 луѓе влезници, што мислиш, колку ќе дојдеа за без пари да не гледаат,а?! Но ние имавме во април сериозен проблем со здравјето на еден од членовите и ги откажавме сите настапи до август!!! Во септември ќе имаме два или три настапи, а за другото потоа!!! Прави лимунада, терај бизнис со соседите кој со сигурност не плаќаат данок во Македонија, и згора на тоа поединци блиски до вас продолжете да се товаарате со парите од даноците на граѓаните. Инаку Меморија за својот концерт плати скоро 1. 000. 000 ддв од приходот од картите, пари што вие ќе им ги дадете на соседите!!!! Затоа полна поддршка за напишаното од колегите Спасе Сиљановски и Лабе Алабаковски!!! Прави лимунада и не, ај ќе бидам пристоен….кини зелени!!!! Има и Македонија коњи за трка.Македонија вечна!!!. И да, ќе заборавев, ова не е пишано за да “помислиш“ на нас. Додека си ти градоначалник на Кавадарци, Меморија никогаш нема да свири во Кавадарци.