Валентина Гомез, кандидатка на републиканците од редовите на крајната десница и поддржувачка на движењето МАГА, предизвика жестоки реакции во САД и пошироко поради видеоснимка во која со фрлач на пламен запалува примерок од Куранот. Во обраќањето таа порача: „Постои само еден вистински Бог, а тоа е Богот на Израел“, повикувајќи на „еднаш засекогаш запирање на исламот“.
Гомез, родена во Колумбија, веќе има историја на навредливи и дискриминаторски изјави против муслимани, црнци и имигранти. Нејзиниот последен потег доведе до забрана на нејзините профили на сите големи социјални мрежи, освен на X.
Снимката предизвика бран осуди. Корисници потсетија дека Куранот повеќекратно и со почит ги спомнува Исус и Марија, а дел од коментарите гласеа: „Покажавте непочит кон Исус и Марија, само заради ционистичка реторика“, „Во нашата држава нема место за луѓе кои го поткопуваат Првиот амандман и слободата на вероисповед“.
Критики пристигнаа и од делови на американската десница. Ричард Гренел, поранешен специјален пратеник на администрацијата на Доналд Трамп, ја обвини Гомез дека го поткопува токму Првиот амандман кој гарантира слобода на верата.
🚨 Texas GOP candidate Valentina Gomez just released a campaign ad burning the Quran and vowing to “end Islam in Texas.”
This isn’t politics. It’s incitement.
When the mosques start burning, remember: this was the match and the Texas GOP handed her the lighter. pic.twitter.com/aYdvihPVHw
— Brian Allen (@allenanalysis) August 26, 2025
