Министерката за енергетика, минерални суровини и рударство, Сања Божиновска, денеска присуствуваше на свечената манифестација по повод Денот на рударите во РЕК Битола, заедно со премиерот Христијан Мицкоски и раководството на АД ЕСМ.
„Рударите се економски столб – луѓе што секојдневно се соочуваат со темнината и длабочината за да обезбедат светлина и иднина за сите нас. Министерството стои зад нив со јасна заложба: современа опрема, безбедни услови и фер стандарди“, истакна Божиновска.
Таа нагласи дека Денот на рударите е потсетник дека рударството е професија која бара почит, заштита и континуирана поддршка од државата и институциите.
