Црна Хроника

Страшна трагедија ја потресе Македонија: Во сообраќајна несреќа почина едно младо момче, две се борат за живот, четвртото со тешки повреди

Сообраќајка кај Чичево, едно младо момче почина, две се борат за живот, четвртото со тешки повреди

Враќајќи се од слава на манастирот во Чичево, автомобилот излетал од патот, објави велешкиот портал ТиРековМиРече.

Сообраќајка на патот кон село Чичево, општина Градско, во кое едно лице Љ.О. на 21 година почина, две се во животно загрозувачка состојба а четвртото исто се здобило со тешки телесни повреди. Сообраќајката се случила кога автомобилот со четирите млади жители од Градско и Ногаевци, се враќал по полноќ од славата на манастирот во село Чичево.

„Побарана е помош, поради сообраќајка, испратени се две амбулантни возила, дадена неопходна нега и сите четворица повредени се пренесени на ургентен центар во велешка болница“ – кажа д-р Славица Нешова Пановска, од службата за Итна помош при ЈЗУ Здравствен дом Велес.

Тројцата сопатници од автомобилот биле надвор од него а единстено возачот бил во него и била побарана помоиш од пожарникарите за да се извади од возилото.

„Донесени се четворица млади пациенти, едниот бил починат. Двете лица се во животно згрозувачка сотојба дадена неопходна помош и пренесени на КАРИЛ во Скопје, четвртото лице и со со тешки телесни повреди е пренесено на клиниката Мајка Тереза“- кажа д-р Ванчо Граматов од велешка болница.

Од велешката полиција со деталите од сообраќајката.

„Денеска 28 август, околу 00:10 часот во СВР Велес, е пријавено дека на локалниот пат с.Горно Чичево-с.Долно Чичево, општина Градско, патничко возило „бмв“ со велешки регистарски ознаки управувано од П.А.(22 год) од Градско, излетало надвор од коловозот. Во несреќата со тешки телесни повреди се здобиле возачот и неговите сопатници Љ.О.(21 год), Б.П.(20 год), двајцата од Градско и Х.Л.(22 год) од с.Ногаевци, општина Градско, констатирани во Општата болница Велес“ – информира Биљана Ѓаковска, портпарол на СВР Велес.

Од ОЈО Велес информираа дека автомобилот е на вонреден технички преглед, телото на починатото момче е дадено на обдукција, од трите лица се зема крв и урина за утврдување на присуство на алкохол, додека од возилот од воланот се земени папиларни отисоци, за да се утврди кој го управувал автомобилот.

Извор: ТиРековМиРече

Црна Хроника

Жена од Скопје приведена по инцидент со полициски службеници

На 18.12.2025 во 14:20 часот во Скопје, на подрачјето на општина Аеродром, полициски службеници од СВР Скопје ја приведоа Д.Ц.(49) од Скопје, затоа што се однесувала агресивно кон полициски службеници кои вршеле службени дејствија.

По целосно документирање на случајот ќе следува соодветен поднесок.

Црна Хроника

Финансиската полиција поднесе кривична пријава за даночно затајување од речиси 65 милиони денари

Управата за финансиска полиција поднесе кривична пријава против Б.А. и Д.Х., сопственици и управители на АРЃИРА ДООЕЛ Скопје, поради сомнение за сторено кривично дело „Даночно затајување“ според член 279 од Кривичниот законик на Република Северна Македонија.

Првопријавениот Б.А. во периодот 2020 – 2023 година присвоил трговска стока – златен накит во вредност од 197.742.227 денари, при што не пресметал и не уплатил ДДВ во износ од 35.593.601 денар и данок на личен доход од 21.969.161 денар, предизвикувајќи штета на државниот буџет од 57.562.762 денари.

Второпријавениот Д.Х. во 2024 година присвоил дел од увезената стока – златен накит и необработено сребро во вкупна вредност од 22.659.754 денари, избегнувајќи да пријави и уплати ДДВ од 4.551.963 денари и данок на личен доход од 2.809.573 денари, со што државата е оштетена за 7.361.536 денари.

Со овие дејствија, пријавените се стекнале со противправна имотна корист и ја оштетиле државата за вкупно 64.924.298 денари во периодот 2020 – 2024 година.

Финансиската полиција истакнува дека случајот е предаден на Основното јавно обвинителство – Скопје за понатамошно постапување.

Црна Хроника

Тепачка во Швајцарија: Уапсени шест лица, меѓу нив и двајца малолетници од Македонија

Шест лица, меѓу кои и двајца малолетници од Северна Македонија, се уапсени по физичка пресметка што се случила во вторникот вечерта во градот Винтертур, Швајцарија.

Инцидентот се случил во населбата Винтертур-Сенхоф и бил пријавен нешто пред 21 часот, откако полицијата добила дојава за лице кое лежи на земја со повреди на главата. По пристигнувањето на терен, полициските патроли затекнале повеќе лица вклучени во пресметката.

Според првичните информации од истрагата, настанот бил претходен од жестока вербална расправија која ескалирала во физичка тепачка, при што бил употребен и бибер-спреј. Во инцидентот биле повредени три лица – државјани на Сирија на возраст од 48, 18 и 17 години, кои со возило на итна медицинска помош биле пренесени во болница.

Повреди заработил и 15-годишен тинејџер од Северна Македонија, кој, според полициските информации, сам се упатил на лекарски преглед.

Полицијата привела и испрашала вкупно шест лица инволвирани во настанот. Меѓу нив се тројцата повредени државјани на Сирија, двајца малолетници од Северна Македонија на возраст од 15 и 17 години, како и 16-годишен швајцарски државјанин.

Сите учесници ќе бидат процесуирани од надлежните институции, при што малолетните лица ќе одговараат пред Обвинителството за малолетници, а полнолетните пред Јавното обвинителство.