Пробиштип денес го одбележува својот 70-годишен јубилеј и традиционалниот Ден на рударите. По тој повод, Тони Тоневски, кандидат за градоначалник од ВМРО-ДПМНЕ, изрази почит и благодарност кон сите рудари кои со својот труд и посветеност го граделе развојот на општината.
„Пробиштип е град израснат од под земја, изграден врз темелите на рударството и заедничкиот напор. Јас секојдневно сум со рударите, рамо до рамо во борбата за безбедни услови, стабилно работење и напредок, и од прва рака знам колку посветеност и жртва бара оваа професија“, истакна Тоневски.
Тој нагласи дека неговата визија е насочена кон натамошен развој на општината и создавање подобри услови за живот, со почит кон историјата и јасна визија за иднината.
„Нека е честит Денот на Општината и големиот христијански празник Успение на Пресвета Богородица – заштитник на рударите. Рудари, среќно!“ порача Тоневски.
