Првиот вицепремиер и министер за животна средина, Изет Меџити, воедно и кандидат за градоначалник на Општина Чаир, најави конкретни проекти за развој на спортската инфраструктура во општината.
„Чаир има силна спортска традиција и има изнедрено спортисти кои постигнале големи успеси на национално и меѓународно ниво. Потенцијалот постои, но останува обврска на општината да создаде подобри услови за спортот и младите,“ истакна Меџити.
Тој денес се сретна со спортисти од Чаир, со кои разговараше за потребите и можностите за унапредување на спортот.
Меџити најави три клучни проекти: изградба на мултифункционална сала „Чаир“ со 3.000 седишта и стандарди за меѓународни натпревари, реконструкција на салата „Партизан“ за повторно да стане дом на спортистите, како и изградба на три мултифункционални игралишта во Топаана, Саат Кула и населба Гази Баба.
„Ние не ветуваме – ние реализираме. Инвестираме во децата, во спортските клубови, училиштата, здравството и во секој граѓанин. Чаир заслужува да биде универзитетски, културен, образовен и спортски центар,“ нагласи Меџити.
