Во Италија е покрената истрага по објавувањето на монтирани експлицитни фотографии на премиерката Џорџа Мелони, лидерката на опозицијата Ели Шлајн и уште неколку познати политичарки. Содржината беше објавена на порнографската интернет-платформа „Fika“, која има повеќе од 700.000 претплатници.
Фотографиите, превземени од јавни настапи и социјални мрежи, биле дигитално обработени за да прикажат сексуализирани пози и делови од телото. Објавени се во посебен „VIP“ сегмент на страницата, придружени со навредливи и сексистички коментари.
Случајот предизвика жестоки реакции и ја обнови дебатата за мизогинијата и насилството врз жени во Италија, само една недела по затворањето на скандалозната Фејсбук страница „Mia Moglie“.
Платформата „Fika“, основана во 2005 година, функционирала без поголеми пречки сè до неодамна, кога повеќе политичарки од Демократската партија поднесоа пријави, по што полицијата отвори истрага.
