Украинскиот претседател Володимир Зеленски во петокот изјави дека предлогот за создавање 40-километарска тампон-зона меѓу руската и украинската линија на фронтот како дел од евентуален мировен договор не ја одразува реалноста на модерното војување.
„Само оние кои не разбираат воено-технолошка состојба на денешниот конфликт предлагаат тампон-зона“, рече Зеленски. Тој објасни дека веќе постои област на двете страни на фронтот каде тешката артилерија не може да дејствува поради ризикот од напади со дронови.
„Денес нашето тешко оружје е на повеќе од 10 км едно од друго, затоа што дроновите ги погодуваат сите позиции. Оваа тампон-зона – јас ја нарекувам ‘мртва зона’, а некои ја нарекуваат ‘сива зона’ – веќе постои“, додаде Зеленски.
Тој исто така отфрли можност Украина да отстапи дел од територијата во рамки на ваква зона, нагласувајќи дека Русија може да се повлече длабоко во привремено окупираните територии ако сака поголемо растојание. Зеленски додаде дека Русија не е подготвена за дипломатија, туку бара начини за одложување на крајот на војната.
Меѓутоа, европските лидери продолжуваат да работат на обезбедување сигурносни гаранции за Украина во случај на договор со Русија. Европската комесарка Кја Калајс истакна дека министрите за одбрана на ЕУ се согласиле дека овие гаранции мора да бидат „цврсти и веродостојни“.
Рускиот Министерство за надворешни работи преку портпаролката Марија Захарова ги опиша западните предлози како „еднострани“ и насочени кон обуздување на Русија.
