9 полицајци на Токсикологија поради пожар кај СЦ „Борис Трајковски“

Денеска околу 16 часот во непосредна близина на спортскиот центар „Борис Трајковски“ во Скопје изби пожар, кој благодарение на брзата интервенција на полициските службеници и екипите за противпожарна заштита е спречен да се прошири кон моторни возила, околните објекти и лизгалиштето што е дел од спортскиот комплекс.

Полицајците, кои биле ангажирани на обезбедување на меѓународниот ракометен турнир, заедно со пожарникарите успеале навремено да го локализираат пожарот, додека учесниците, спортските работници и публиката биле безбедно евакуирани.

Како последица на вдишаниот чад, девет полициски службеници се згрижени на Одделот за токсикологија и се на кислородна поддршка. Од Клиниката информираат дека сите се во стабилна состојба.