Украинската војска ноќеска собори 510 руски дронови и 38 ракети

Едно лице загина, а неколкумина се повредени во Запорожје по масовниот руски напад во текот на ноќта.

Руските сили започнаа координиран воздушен удар врз Украина користејќи беспилотни летала и ракети од воздушни, копнени и морски платформи. Радиотехничките единици на украинската авијација детектираа вкупно 582 воздушни закани: 537 ударни дронови „Шахед“ и мамки лансирани од Курск, Брјанск, Милерово, Орел, Шаталово и Приморско-Ахтарск; 8 балистички ракети „Искандер-М/КН-23“ од Ростовскиот регион и Краснодар; и 37 проектили од различни типови – Х-101, „Калибр“, „Искандер-К“ и Х-59 – лансирани од Саратов, Црното Море и окупираните делови на Запорожје, јави „Укриноформ“.

Украинската авијација, противвоздушните ракетни единици, електронското војување и мобилните противпожарни групи успеаја да неутрализираат најголем дел од нападот.