Авионoт на шефицата на Европската комисија, Урсула фон дер Лајен, изгуби електронски навигациски помагала при приближување кон аеродромот во Пловдив, Бугарија, и пилотите беа приморани да слетаат користејќи хартиени мапи, јави „Фајненшл тајмс“. Според три извори, инцидентот се третира како руска операција.
Блокирањето на ГПС сигналите е потврдено од бугарската контрола на воздушниот сообраќај, која нагласи дека ваквите инциденти создаваат сериозен ризик за авионската безбедност. Техниката на блокирање и лажирање на сигналите се користи и за цивилни цели, а последниве години инцидентите се зголемени во Источна Европа и Балтикот.
Фон дер Лајен патуваше во Пловдив за средба со премиерот Росен Жељасков и посета на фабрика за муниција, со цел да разговара за зајакнување на одбранбените капацитети на ЕУ како одговор на војната во Украина. Таа истакна дека Путин останува „предатор“ и дека силното одвраќање е единствен начин за контрола.
Бугарија е значаен добавувач на оружје за Украина, при што една третина од испратеното оружје доаѓа од таа земја. По посетата, фон дер Лајен го напушти Пловдив без дополнителни инциденти.
