Република

Коњановски им посака успешен почеток на првачињата во Битола

Со пригоден настан во Градскиот парк, општина Битола денеска го одбележа почетокот на учебната година за првачињата. Под мотото „Училишна приказна“, најмалите ученици со насмевки и возбуда ги започнаа своите први училишни чекори.

Настанот беше организиран од општина Битола во соработка со ЈП Паркинзи, Зоолошката градина, Културно-информативниот центар, Црвениот крст, СВР Битола, БиМилк и Пелистерка. Присутните уживаа во музички и сценски настапи, дружење со маскоти, бесплатно возење со возот „Мечо“ и креативни активности.

Градоначалникот Тони Коњановски упати честитка до сите првачиња, потенцирајќи ја важноста на првиот училишен ден.

„Со голема радост ви го честитам почетокот на вашето училишно патување. Денес ја отворате вратата кон светот на знаењето, пријателството и новите предизвици. Бидете љубопитни, упорни и секогаш насмеани, затоа што знаењето е клучот кој ги отвора сите врати,“ порача Коњановски.

Тој им посака успешен почеток и на учениците од повисоките одделенија, охрабрувајќи ги да продолжат со иста енергија и желба за учење.

Градскиот парк во Битола денес блескаше со детска песна, игра и многу радост, претворајќи го првиот училишен ден во незаборавно искуство за секое дете.

Република

ВИДЕО: Битола секоја година се поубаво украсена

Битола повторно ја облече новогодишната светлина и ја отвори вратата за празничната магија што ја прави препознатлива. Улиците, плоштадите и сцените каде што и оваа година ќе се одвива „Зимската приказна“ засветкаа во празничен сјај, носејќи радост и топла атмосфера за граѓаните и посетителите.

Новогодишното украсување донесе свежа енергија и чувство на празнична возбуда низ целиот град, создавајќи амбиент кој секоја година изгледа сè поубаво и повпечатливо. Битола и овој декември е подготвена да ги пречека гостите со светлина, музика и празничен дух.

Со видео ви пренесуваме дел од атмосферата од градот под Пелистер, кој е подготвен за уште едно ново издание на предновогодишната програма „Зимска приказна“, на радост на сите генерации.

Република

„Шпанец“ се враќа на пругите: Модернизиран и подготвен за патници

Легендарниот воз „Шпанец“, некогаш заборавен и речиси отпишан, се враќа на пругите со целосно нов лик. Денес беше тестирана обновената верзија на возот, кој сега располага со модерен дизајн, телевизори, озвучување, алармни системи и видео надзор.

Одговорните најавуваат дека подготовките за поудобно и побезбедно патување се во полн ек, со цел патниците да уживаат во современо и безбедно патување.

Следуваат уште новости за враќањето на овој легендарен воз – останете со нас за сите детали.

Видеото може да го погледнете тука

Република

После многу години конечно Тетово ќе се украсува

На онлајн седница одржана денеска, 12 декември 2025 година, Советот на Општина Тетово со мнозинство гласови донесе одлука за украсување на градот за претстојните новогодишни празници.

„За оваа програма „за“ гласаше советничкото мнозинство составено од Коалицијата „Вреди“ и ВМРО-ДПМНЕ, додека против беа советниците од коалицијата НАИ. Воздржани беа од Подобро за Тетово, Левица и СДСМ. Со оваа одлука, Општина Тетово ја потврдува намерата градот да добие празничен сјај за крајот на 2025 година“, изјави претседателот на Советот, Јусуф Абдули.

Истовремено, изгласана е измена на Програмата за активности на Општина Тетово во областа на културата за 2025 година. Според новата програма, за празничното украсување се предвидени еден милион и петстотини илјади денари, што е над 24 илјади евра.