Земјотрес со јачина од 6 степени го погоди источен Авганистан ноќеска, при што загинаа најмалку 622 лица, а над 1.500 се повредени, соопштија официјални лица. Хеликоптери евакуираат ранети од урнатините, додека спасувачите бараат преживеани.
Катастрофата дополнително ќе го зголеми притисокот врз земјата која веќе се соочува со хуманитарна криза, од намалена странска помош до присилно враќање на бегалци од соседните држави.
Министерството за внатрешни работи под контрола на Талибанците соопшти за 622 загинати, додека претходно државната телевизија РТА информираше за околу 500 жртви.
Во Кабул, здравствените власти јавија дека екипите тешко стигнуваат до оддалечените села во регионот, кој има долга историја на земјотреси и поплави.
Објавени се снимки од надзорни камери на кои се гледа силното тресење, меѓу нив и видео од покраината Кунар, една од најпогодените.
CCTV footage captures the intensity of a 6.0-magnitude earthquake in Kunar, Afghanistan. https://t.co/w10EfP742l pic.twitter.com/C29P6K4jB0
— Eagle Eye (@zarrar_11PK) September 1, 2025
CCTV footage shows the moment a magnitude 6.0 earthquake struck eastern Afghanistan. At least 600 people were killed and 1,500 injured, according to the Taliban government. pic.twitter.com/4BuJ5p6DUF
— Al Arabiya English (@AlArabiya_Eng) September 1, 2025
