Ѓорѓиевски вечерва од Злокуќани: Скопје и Карпош заслужуваат подобра иднина

Градоначалникот на Кисела Вода и кандидат за градоначалник на Град Скопје, Орце Ѓорѓиевски, вечерва се сретна со жителите на Злокуќани во општина Карпош. На средбата присуствуваа и идниот кандидат за градоначалник на Карпош, Сотир Лукровски, како и пратеникот Тони Јаревски.

И покрај врнежливото време, средбата беше масовна и исполнета со енергија, идеи и искрени разговори. Ѓорѓиевски порача дека Скопје и Карпош заслужуваат подобра иднина и достоинствен живот, а граѓаните изнесоа конкретни предлози за подобрување на условите во општината.

„Не ветуваме невозможни работи, туку даваме чесен збор дека ќе работиме посветено, упорно и со срце. Заедно ќе ги надминеме сите наталожени проблеми, чекор по чекор,“ истакна Ѓорѓиевски, упатувајќи благодарност за довербата и големата поддршка.

Тој нагласи дека со заедничка работа и визија, Скопје ќе добие шанса за вистински промени и достоинствен живот за сите негови жители.