Ако се обидувате да ослабете или едноставно да јадете поздраво, гастроентерологот д-р Пал Маникам има јасни совети: и варените јајца и омлетот се добар избор, но клучно е како се подготвуваат и – жолчката! Изоставувањето на жолчката може негативно да влијае на метаболизмот и чувството на ситост.
Вареното јајце е практично, лесно и идеално за појадок. Содржи малку калории, но доволно протеини за подолго чувство на ситост, а може да се консумира и ладно, без губење на хранливите вредности.
Омлетот, пак, нуди повеќе разновидност и вкус. Додавањето зеленчук и здрави маснотии, како маслиново масло, го прави оброкот поздрав и заситен, а омлетот може да биде и лесен појадок и обилен оброк по тренинг.
Според експертите, за здрави луѓе е безбедно да се јадат 1 до 2 јајца дневно, а активните лица можат и повеќе, зависно од енергетските потреби. Д-р Маникам советува да се фокусирате повеќе на квалитетот на остатокот од оброкот, отколку на бројот на јајца.
Жолчката е особено важна, бидејќи содржи витамини А, D, E, K, B12, железо и други хранливи материи кои го поддржуваат метаболизмот и долго чувство на ситост.
Без разлика дали ќе изберете варено јајце или омлет, клучно е да не ја изоставувате жолчката и да ги комбинирате со зеленчук и здрави масти за балансиран и здрав оброк.
