Македонија

ВМРО – ДПМНЕ објави 16 нови кандидати за градоначалници, ќе го поддржи ЗНАМ во овие општини

Скопје, 3 септември 2025 – ВМРО – ДПМНЕ денес објави нов список од 16 кандидати за градоначалници во различни општини, истовремено најавувајќи дека во Куманово и Центар ќе ги поддржи кандидатите предложени од коалициската партија ЗНАМ.

Кандидатите се: Сопиште – Јане Мицевски, Кичево – Александар Јовановски, Крива Паланка – Оливер Алексовски, Маврово-Ростуше – Онер Јакуповски, Кривогаштани – Сашо Граорковски, Шуто Оризари – Ерџан Демир, Крушево – Нико Чонески, Валандово – Ѓоко Камчев, Виница – Митко Костадиновски, Демир Хисар – Никола Најдовски, Чешиново-Облешево – Јордан Костадинов, Радовиш – Љупчо Почивалец, Чашка – Дејан Андоновски, Прилеп – Дејан Проданоски, Струмица – Петар Јанков и Неготино – Марија Нацева.

Од ВМРО – ДПМНЕ нагласуваат дека со оваа одлука ја зајакнуваат коалицијата со ЗНАМ и ја потврдуваат својата стратегија за регионална соработка и поддршка на локални кандидати кои се дел од коалициските договори.

Македонија

Божиновска присуствуваше на шведската прослава на светлината

Вечерва Сања Божиновска присуствуваше на традиционалниот концерт во чест на Санта Луција, кој го организираше Шведската амбасада. Празникот е симбол на светлина, топлина и надеж во најтемните нордиски ноќи.

„Секогаш е убаво кога една традиција носи порака која допира подалеку од границите – дека светлината ја создаваме самите, и дека најмногу ни е потребна токму во студените, тивки моменти од годината“, изјави Божиновска.

Таа изрази благодарност до амбасадата за прекрасната атмосфера и можноста да ја почувствува оваа уникатна шведска традиција, која најавува доаѓањето на Божиќ со радост, музика и светлина.

Македонија

Сообраќајот на Евзони повторно во прекин од 17 часот

АМСМ информира дека од 17 часот повторно е блокиран сообраќајот на Граничниот премин Евзони (ГП Богородица).

Според последните информации, сообраќајот на државните патишта се одвива непречено, по суви коловози и со умерен интензитет надвор од градските средини. На македонските гранични премини нема подолги задржувања за влез или излез од државата.

АМСМ апелира до возачите да возат со прилагодена брзина, да ја почитуваат поставената сигнализација и да бидат особено внимателни на патиштата низ котлинските и клисурните делови, каде што постои ризик од одрони. Најкритични се делниците Катланово – Велес, Маврово – Дебар – Струга, Виница – Берово и Кочани – Делчево.

Македонија

Студентите имаат уште десет дена за апликација за ваучери

Министерството за дигитална трансформација потсетува дека студентите имаат рок до 20 декември 2025 година да аплицираат за ваучери за електронски уреди.

Досега се доделени 42.606 ваучери, од кои 27.426 веќе се искористени. Во рамките на владината програма, предвидени се вкупно 55.000 ваучери за студенти на додипломски студии запишани во учебната 2025/26 година.

Ваучерите можат да се искористат најдоцна до 31 декември 2025 година.