Коњановски: Граѓаните директно ги предлагаат идеите за подобра Битола

Градоначалникот на општина Битола, Тони Коњановски, денес оствари средби со жителите на урбаните заедници „Васко Карангелевски“ и „Ѓорги Наумов“.

Во рамките на кампањата „Предложи идеја“, граѓаните имаат можност да ги изнесат своите предлози и иницијативи за унапредување на инфраструктурата, јавните услуги и животната средина во општината.

„Секој предлог е важен, затоа што заедно ја градиме поубавата и посилна Битола“, истакна Коњановски, нагласувајќи дека активното учество на жителите е клучно за планирање и реализација на проекти кои ги подобруваат условите за живеење.