Градоначалникот на Општина Кисела Вода и кандидат за градоначалник на Скопје, Орце Ѓорѓиевски, денес оствари средба со директорот на Konrad Adenauer Stiftung во Македонија, Даниел Браун, и со стипендистите на фондацијата.
На средбата се разговараше за претстојните локални избори, како и за визијата на Ѓорѓиевски за едно модерно и развиено Скопје. Тој нагласи дека идеите, барањата и предлозите на младите се од особено значење, бидејќи токму тие се носители на иднината.
„Младите луѓе вложуваат многу во своето образование и ја гледаат иднината токму овде, дома, во Македонија. Нивните размислувања се исклучително зрели и вредни за внимание,“ истакна Ѓорѓиевски.
Тој изрази благодарност до фондацијата КАС за долгогодишното партнерство и придонесот во создавање подобра иднина за Македонија, како и до младите за инспирацијата и визијата што ја носат со себе.
