Скопје, 4 септември 2025 – Политичката партија „Вреди“ обвини дека Бујар Османи ги излажал граѓаните за своите средби со поранешниот премиер Никола Груевски во Будимпешта. Според партијата, Османи не само што престојувал во Будимпешта со своето семејство, туку таму приватно се сретнал со бегалецот од македонското правосудство.
„Обидот на Османи да се сокрие зад изговори за ‘класифицирани информации’ и подоцна да ја негира средбата на Фејсбук е доказ за неговата дволичност. Вистината е јасна – средбата се случила, а доказите наскоро ќе бидат објавени пред целата јавност,“ истакнуваат од „Вреди“.
Партијата додава дека МВР имало сомневања дека ДУИ била активно вмешана во бегството на Груевски, посочувајќи дека автомобилот на Али Ахмети бил задржан цел ден во полициска станица поради сомневања дека поранешниот премиер бил изнесен од државата со него.
„Вреди“ нагласува дека граѓаните треба да знаат дека, според нив, Бујар Османи и ДУИ биле најважните соработници на Никола Груевски и неговата мрежа, додавајќи дека ДУИ останала верен соработник на Груевски и Сашо Мијалков до денес.
