Црна Хроника

Жител на тетовско село измамен за 7.900 евра при купопродажба на автомобил

Во СВР Тетово е пријавен нов случај на измама поврзан со купопродажба на возило.

На 3 септември 2025 година, околу 11:45 часот, 65-годишен жител на тетовско село пријавил дека бил измамен од лицето С.Т. од село Блаце, тетовско, за износ од 7.900 евра.

Според пријавата, уште во февруари двајцата се договориле за купопродажба на патничко возило „мерцедес“, при што бил склучен нотарски договор, а оштетениот ја извршил целосната исплата. По договорот, С.Т. го замолил купувачот возилото да му го остави на располагање уште неколку дена.

Од тогаш, возилото не му било предадено, а оштетениот дознал дека уште во март 2025 година „мерцедесот“ бил пререгистриран и има нов сопственик.

Полицијата информира дека се преземаат мерки за целосно расчистување и документирање на случајот.

Црна Хроника

Полициска акција во Штип: Лишени од слобода неколку полицајци

Вечерва во Штип се спроведува полициска акција. Според досегашните информации, во акцијата се лишени од слобода неколку полициски службеници.

Од Основното јавно обвинителство за гонење на организиран криминал и корупција потврдија дека акцијата е во тек. Повеќе детали се очекуваат по завршувањето на истрагата.

Извор: 24info.mk

Црна Хроника

Пет лица нападнале 19-годишна девојка во Тетовско

Пет лица од тетовското село Желино се осомничени дека физички нападнале 19-годишна девојка од истото село, соопшти СВР Тетово. Против нив е поднесена кривична пријава за кривичното дело „насилство“.

Станува збор за П.А. (28), С.А. (30), Е.А. (23), Г.А. (44) и А.А. (19). Инцидентот се случил на 26 септември 2025 година, по претходна расправија која ескалирала во физички напад.

Од полицијата информираат дека случајот е целосно расчистен и документиран, а натамошните мерки ќе ги одлучи надлежното обвинителство. Засега нема официјални информации за тежината на повредите на младата девојка.

Црна Хроника

Тешка сообраќајна несреќа – Едно лице го загуби животот

На магистралниот пат Кочани- Виница, на место викано „Сланечки дол“, автомобил „пежо“ со винички регистарски ознаки, управувано од Б.Ќ.(48) од Виница, излетало од коловозот вчера доцна попладнето.

Б.Ќ. починал на местото на несреќата од здобиените повреди, а лекар од Итната медицинска помош констатирал смрт.

По насоки на јавен обвинител, телото на починатиот било предадено на обдукција. Извршен бил увид од увидна екипа од ОВР Кочани.