Скопје – Првиот вицепремиер и кандидат за градоначалник на општина Чаир, Изет Меџити, вечерва оддржа собир во населбата Серава, кој прерасна во „трибина со ентузијазам, енергија и верба во победата“.
„На 19 октомври победува промената, победува Чаир. Граѓаните покажаа јасно дека се подготвени за големиот чекор напред,“ порача Меџити пред присутните.
Тој најави конкретни проекти за локалниот развој, нови инфраструктурни решенија и мерки за подобрување на квалитетот на животот на секоја фамилија во Чаир. „Нашата цел е да ја вратиме надежта дека иднината ќе биде подобра за сите,“ истакна кандидатот.
Меџити им се заблагодари на жителите на Серава за, како што рече, „исклучителната поддршка и доверба“, додавајќи дека токму граѓаните се најголемата сила и гаранција за победата.
„Само за тебе, Серава! Само за тебе, Чаир!“ заврши Меџити во своето обраќање.
