Германскиот канцелар Фридрих Мерц изрази загриженост дека Европа не ја презема улогата што ја посакува и што е неопходна за да ги заштити сопствените интереси.
„Она што ме загрижува е што ние, Европејците, моментално не ја играме улогата што треба за правилно да ги заштитиме нашите интереси“, изјави Мерц во интервју за официјалниот канал на ЦДУ.
Како пример тој го посочи војната во Украина, нагласувајќи дека Европа не може да изврши доволен притисок врз Владимир Путин без американска помош. Дополнително предупреди дека земји како Кина, Индија и Бразил градат нови партнерства со Русија.
Сепак, Мерц оцени дека се забележуваат знаци на обновено европско единство, што во голема мера зависи од посветеноста на германската влада и лично на канцеларот.
