Новата студија од канадскиот Универзитет McMaster го доведува во прашање досегашниот став на Светската здравствена организација дека црвеното месо е „веројатно канцерогено за луѓето“. Истражувањето сугерира дека консумирањето животински протеини – вклучувајќи месо, риба, јајца и млечни производи – може да го намали ризикот од смрт предизвикана од рак.
Сепак, експертите предупредуваат дека резултатите треба да се толкуваат внимателно. Студијата не ја разликувала преработената од непроцесираното месо, ниту го истакнала одделно ефектот на рибата и млечните производи, кои можат да имаат заштитен ефект. Дополнително, финансирањето од Националната асоцијација на сточари создава можен конфликт на интереси.
Истражувањето, исто така, покажало дека билните протеини – од мешунки, јаткасти плодови и соја – немаат значителен ефект врз намалување на смртноста од рак, што се разликува од претходните сознанија за нивните здравствени придобивки.
Стручњаците потенцираат дека умереноста и разновидната исхрана се клучни. Прекумерната консумација црвено месо останува поврзана со срцеви заболувања и дијабетес. Најважно е фокусот да биде на целиот начин на исхрана, со комбинирање различни протеини, овошје, зеленчук и минимално преработена храна за одржување на оптимално здравје.
