Градоначалникот на Општина Кисела Вода и кандидат за градоначалник на Скопје, Орце Ѓорѓиевски, денеска изврши увид на неколку клучни локации кои ќе бидат приоритет во првите месеци од неговиот мандат.
Меѓу проектите што се најавуваат се: довршување и пуштање во употреба на клучката кај Момин Поток, кружен тек на улица „Бутелска“, изградба на нов парк кај булеварот „Христијан Тодоровски-Карпош“ во Бутел, летни сцени на скопското Кале и Аквадуктот, како и првата фаза на булевар „Хрватска“.
Ѓорѓиевски истакна дека со силно темпо и динамика ќе бидат обезбедени сообраќајни решенија кои ќе ја олеснат секојдневната циркулација, ќе го направат градот пофункционален, поврзан и жив.
Во план се и нови парковски содржини и зеленило, како и културни активности на високо ниво, со цел Скопје да добие современ и европски лик.
„Ќе понудиме решенија за Скопје кое ќе функционира, а не празна реторика. Градот станува оној каков што скопјани навистина заслужуваат“, порача Ѓорѓиевски.
