Илјадници вработени во лондонското метро денеска започнаа серија штрајкови поради незадоволство од платите и условите за работа. Синдикатот за железница, поморство и транспорт соопшти дека во штрајковите ќе учествуваат машиновозачи, сигналисти и работници за одржување, а акциите ќе се одвиваат во различни периоди до четврток.
Транзитниот оператор „Транспорт за Лондон“ информира дека штрајковите предизвикаа прекин во редовното функционирање на метрото и дека од понеделник до четврток многу линии ќе имаат ограничен сообраќај или целосно ќе бидат суспендирани.
Компанијата ја понудила на вработените покачување на платите од 3,4 проценти, но синдикатот продолжува да инсистира на скратување на работната недела од 35 на 32 часа, што според операторот не е финансиски изводливо.
