Бугарскиот автомобилски ас Никола Цолов од следната сезона ќе вози во Формула 2, објави официјалниот сајт на шампионатот каде веќе е активна страница со неговото име. Со тоа, Бугарија првпат добива свој претставник во ова престижно натпреварување, кое е само една скала под Формула 1.
Формула 2 се смета за последна подготовка за елитата – болидите се слични по изглед на оние од „кралската класа“, но со помала моќност и димензии.
Овој викенд, Цолов ќе го вози своето последно тркање во Формула 3 на легендарната патека „Монца“. Тој веќе потврди дека ова ќе биде неговото финале во таа категорија, пред целосно да се посвети на предизвиците во Формула 2.
Иако сè уште не е познато за кој тим ќе настапува, веста предизвика голем интерес кај љубителите на автомобилизмот и национална гордост во Бугарија.
Со ова, Никола Цолов е на чекор поблиску до остварување на сонот – Формула 1.
