Во петокот околу 12:50 часот, на кејот „Борис Кидрич“ во Струга, пред угостителски локал била пријавена тепачка во која учествувале двајца млади — 21-годишен стружанец и 18-годишно лице од селото Радолишта.

Инцидентот го нарушил јавниот ред и мир, а полицијата веднаш интервенирала на местото на настанот. Од МВР информираат дека случајот е евидентиран и дека по целосно документирање на сите околности ќе биде поднесена соодветна пријава против учесниците во тепачката.

Полицијата уапси 29-годишен маж од Неготино по пријава од 41-годишна жена од Скопје дека бил присилен на полово дејствие, сниман и уценуван.

Според информациите од МВР, на 6 декември околу 1 часот, полициски службеници од СВР Скопје го лишиле од слобода Р.М. од Неготино, поради настан што се случил на 2 декември во стан на подрачјето на Центар. Осомничениот, како што се наведува, ја присилил жената на полово дејствие, ја снимал со мобилен телефон, а потоа ѝ упатувал закани и барал пари за да не го објави видеото на социјалните мрежи.

Од МВР истакнуваат дека по целосно документирање на случајот ќе биде поднесена соодветна пријава против осомничениот.

Назиф Муслија, 50-годишен државјанин со македонско потекло, кој е осомничен за бруталното убиство на неговата сопруга Саџиде Муслија во населбата Пјанело Валесино ди Монте Роберто во провинцијата Анкона, беше пронајден по повеќе од 30 часа бегство. Карабинерите го откриле тешко повреден во шума во местото Бракано ди Мателика, откако наводно се обидел да си го одземе животот. Него го забележал ловџија кој веднаш подигнал тревога и го спасил.

Италијанското јавно обвинителство издаде меѓународна потерница и го товари Муслија за тешко убиство со умисла. Тело на жената беше пронајдено дома, на креветот, со тешки повреди на черепот и градите. Истражителите повторно ја претресоа куќата во потрага по траги и го запленија предметот за кој се сомневаат дека е оружјето на злосторството – железна цевка со траги од крв.

Овој случај доаѓа веднаш по усвојувањето на новиот италијански закон со кој фемицидот – убиство на жена поради нејзиниот пол – се третира како посебно кривично дело што носи доживотен затвор. Италија стана една од ретките земји во ЕУ која го инкриминираше фемицидот, покрај Хрватска, Кипар и Малта. Законот беше усвоен на 26 ноември, на денот посветен на борба против насилството врз жени.

Муслија претходно бил осуден на една година и десет месеци затвор за насилство врз сопругата, со обврска да посетува програма за сторители на насилство. Сепак, неговиот адвокат Антонио Гаљарди тврди дека „немало слободни места“ во здружението што ги спроведува тие програми.

Главната државна обвинителка во Анкона, Моника Гарули, остро реагираше, оценувајќи дека „ова е случај што остава горчлив вкус“ и дека не смее сите форми на семејно насилство да се третираат еднакво, туку мора да се прави разлика според ризикот и сериозноста на делото.

Од Центарот против насилство во Анкона предупредуваат дека системот мора да овозможи навремена проценка на ризик и превентивни мерки за да се спречи ваква ескалација на насилството.