Најголемиот руски воздушен напад од почетокот на целосната војна во 2022 година, во кој беа користени повеќе од 800 дронови и 13 проектили, првпат предизвика оштетување на зградата на украинскиот Кабинет министри во Киев. Премиерката Јулија Свириденко соопшти дека е оштетен покривот и горните ката на владината зграда, додека избувна и пожар кој беше гаснат со помош на хеликоптери.
Во нападот загинаа две лица, млада жена и нејзиното тримесечно бебе, додека најмалку 20 други беа повредени. Руски дронови погодиле и повеќекатници во Киев и други градови како Одеса, Кременчук, Запорижја, Дњипро и Криви Рих.
Украинскиот претседател Володимир Зеленски го осуди нападот како „свесен злостор“ и продолжување на војната, додека Министерството за надворешни работи побара силен одговор во форма на санкции. Украинските воздушни сили соопштија дека од 810 лансирани дронови, 751 биле соборени, додека новите дронови Gerbera, произведени во Русија, се користат како тактика за исцрпување на украинската противвоздушна одбрана.
Аналитичарите предупредуваат дека Русија се префрла на стратегија на долготрајно исцрпување на ресурсите на Украина, со цел Киев прв да посуста. Кремљ не гледа причина за замрзнување на конфликтот, барајќи неколку украински области, неутралност на Украина, признавање на анексиите и поставување проруска влада.
Со економската поддршка од Кина и стабилниот приход од продажба на енергенти, Русија може да ја финансира војната уште две до три години, додека санкциите постепено ја ослабуваат економијата. Украина, пак, се соочува со недостиг на човечки ресурси, губитоци на бојното поле и тешкотии во мобилизацијата, но се уште ја задржува волјата за преживување и одбрана на територијата.
