Полицијата апси на Денот на независноста – Детали

Двајца жители на село Здуње, гостиварско, се лишени од слобода при претреси извршени од полициски службеници од ОВР Гостивар.

Првиот осомничен, Ф.М. (30), бил уапсен при претрес на куќата и помошните простории, при што била пронајдена и одземена марихуана. Вториот, Е.Џ. (31), бил лишен од слобода при претрес на домот и помошните простории, каде што полицијата пронашла марихуана, грутка кафена материја, три паковки со бела прашкаста материја и поголема сума на пари.

Двајцата се задржани во полициска станица, а по документирање на случаите ќе следат соодветни поднесоци, информираат од МВР.