Во луксузниот ресторан „Анабел“ во Палманова, Мајорка, група од 18 гости плати сметка од над 63.000 евра за вечера, што веднаш предизвика големо внимание на социјалните мрежи.
Ресторанот самиот ја објави фотографијата од долгата сметка на Инстаграм, откривајќи дека меѓу присутните имало и позната американска спортска ѕвезда. Секој гостин во просек потрошил по околу 3.865 долари, а дополнително оставиле и бакшиш од 6.380 долари.
Менито на масата вклучувало шампањи „Дом Перињон Розе“ и „Луј Родерер Кристал Розе“, луксузни јадења како рижото со рак, ракчиња со лук и папардели, но најголемо внимание предизвика артикалот „разни пескадоси“ – риба во вредност од речиси 50.000 долари.
Ресторанот, кој се отвори летото 2025 година веднаш до плажата во Палманова, брзо стана едно од најпопуларните места на Мајорка. Со оваа сметка, „Анабел“ доби огромен публицитет, а дел од јавноста дури се прашува дали станува збор за вешто осмислен маркетиншки потег.
