Рускиот напад во Украина се трансформира: класичните тенковски колони стануваат реткост, додека Русите се повеќе се ослонуваат на мали, брзи и мобилни единици за освојување територија. Најновите видеа прикажуваат руски војници како користат мотоцикли или пешачки групи за да заземат километар по километар.
„Тенковите сега се главно транспортни средства и речиси не се користат во директни борби“, објаснува рускиот воен експерт Јан Матвеев. „Локалните напади ги извршуваат мали групи од два до четири војници кои ја искористуваат невидливоста, често користејќи термални камуфлажни наметки за да избегнат откривање од беспилотни летала“.
Тактиката, позната како инфилтрација, се применува долж фронтовската линија каде бојната линија повеќе не е јасно дефинирана. Малите единици, поддржани од дронови за визуелна контрола и разузнавање, успеваат да заземат позиции во области со големи празнини во одбраната.
Експертите истакнуваат дека овој начин на војување ја менува динамиката на конфликтот, со нагласок на брзина, мобилност и прецизно освојување на територија, додека класичните масивни тенковски офанзиви се сè повеќе минато.
