Денеска, министерката за енергетика, рударство и минерални суровини, Божиновска, оствари продуктивна средба со г-дин Марсело Кастељанос, регионален менаџер за Југоисточна Европа на International Finance Corporation (IFC), задолжен за активностите во Романија, Хрватска, Србија, Македонија, Косово, Црна Гора и Босна и Херцеговина.
На средбата беше дискутирано за улогата на приватниот сектор во економскиот развој на Македонија, можностите за поддршка од IFC и потенцијалните насоки на идна соработка. Особен интерес предизвикаа новините во новиот Закон за енергетика, особено во делот на современи решенија како батериски системи за складирање на енергија и развој на нови енергетски капацитети.
Министерството, заедно со IFC, ќе продолжи да бара начини како преку иновации, инвестиции и партнерства да обезбеди стабилна и одржлива енергетска иднина за државата и граѓаните.
