Франција денеска се соочува со најавена општа блокада, откако лабавата левичарска коалиција повика на масовни протести под мотото „Блокирај сè“, со предупредувања дека ќе биде нарушен транспортот и јавните услуги.
Протестите се одржуваат во момент кога Себастиен Лекорњу ја презема функцијата нов премиер.
Министерот за внатрешни работи, Бруно Ретајо, изјави дека во Париз во текот на ноќта имало одредени акции, но не даде детали. Полицијата соопшти дека досега се приведени 75 лица, без дополнителни информации за местата на апсењата или причините.
