Љупчо Бојчевски (37) од Скопје е првиот државјанин на Северна Македонија кој со правосилна пресуда е осуден на четири години затвор за учество во странска војска, откако се борел на страната на Русија во конфликтот во Украина.
Според пресудата на Кривичниот суд, Бојчевски бил регрутиран преку затворени групи на апликацијата „Телеграм“ и три месеци учествувал во борби во Мариупол како дел од формацијата „Каскад“. Тој признал вина и изразил каење за стореното.
Во сведоштво за Радио Слободна Европа, Бојчевски открива дека патот до фронтот му бил организиран од руски регрутер, а во договор со „Министерството за внатрешни работи“ на самопрогласената Доњецка Народна Република бил распореден како помошник стрелач.
Со него бил и неговиот пријател Тони Шегмановски, кој по враќањето во Скопје бил пронајден мртов во напуштена куќа, но според обдукцијата не станувало збор за насилна смрт.
Ова е прв случај во Македонија поврзан со војната во Украина. Дополнително, уште еден државјанин добил условна казна, откако кратко време престојувал во Русија, но се вратил и побарал помош од македонското МНР.
Обвинителството и МВР тврдат дека нема организирано регрутација на Македонци за боиштата, туку дека станува збор за изолирани, индивидуални случаи преку интернет-канали.
Целиот текст на Радио Слободна Европа
