На 09.09.2025 година, околу 10:40 часот, на улицата „Сотка Ѓорѓиоски“ во Прилеп, при влез во катна гаража, патничко возило „Опел“ со прилепски регистарски ознаки удри во пешак. Возилото го управувала 24-годишната Ј.Д. од село Дрен, прилепско, а во несреќата тешки телесни повреди задобила 71-годишната Н.Г. од Прилеп.
Повредената била пренесена во Градската општа болница Прилеп, каде што повредите ѝ биле констатирани. На местото на настанот увид извршила екипа на ОВР Прилеп.
