Скопје, 2025 – На Регионалниот спортски самит во Скопје, министерот за финансии Гордана Димитриеска-Кочоска истакна дека спортот е стратешки приоритет за развој на здрава и победнички ориентирана нација.
„Ако сакаме силна економија, мора да имаме здрава, дисциплинирана и победнички насочена нација. Затоа вложувањето во спортот е наш приоритет“, нагласи Димитриеска-Кочоска.
Поддршката за спортот во 2025 година е речиси двојно зголемена, со вкупно 1,2 милијарди денари, споредено со 550 милиони денари во 2023 година. Владата инвестира во училишниот спорт, создава услови за поддршка од компаниите и носи законски решенија со цел спортот да стане двигател на националниот идентитет и иднината.
