Во изненадувачки развој на настаните, Белорусија ги известила полските власти за беспилотни летала што влегувале во полскиот воздушен простор на 10 септември. Генералниот началник на Генералштабот на полската армија, Виеслав Кукула, изјави дека бил изненаден од соработката на Белорусија, особено во услови на ескалација на границата.
– Белорусите нè предупредија дека дронови летаат низ нивниот воздушен простор кон нас, што беше корисно предупредување, рече генералот Кукула.
Полската војска вчера соопшти дека соборила повеќе дронови кои ја нарушиле нејзината територија за време на руските напади врз Украина. Досега се пронајдени остатоци од 15 дронови и ракети од неидентификувано потекло. Полскиот премиер Доналд Туск истакна дека најмалку 19 дронови влегле во полскиот воздушен простор.
Москва преку Министерството за одбрана изјави дека нападот бил насочен кон Украина и не против Полска, но се понуди за консултации со полските власти. Во меѓувреме, Полска го активира членот 4 од НАТО за консултација со останатите членки, а челниците на ЕУ размислуваат за формирање „ѕид од дронови“ за заштита од потенцијални руски напади.
Генералниот секретар на НАТО, Марк Руте, побара од Путин да ја запре војната и истакна дека соборувањето на дроновите е показател за спремноста на Алијансата да ја брани територијата на секоја членка.
