Црна Хроника

Додик повторно на удар: Балканска земја му забрани влез

Владата на Словенија денеска донесе одлука со која му се забранува влез во земјата на претседателот на Република Српска, Милорад Додик. Потпретседателот на словенечката влада, Матеј Арчон, соопшти дека мерката стапи на сила веднаш, а санкцијата не ги опфаќа членовите на неговото семејство. Додик ќе биде вратен доколку се појави на граничен премин.

Одлуката следува по континуираното игнорирање на одлуките на меѓународниот висок претставник во БиХ и по пресудата со која Додик годинава беше осуден на една година затвор и шестгодишна забрана за вршење јавни функции. Словенија се приклучи на повеќе земји од ЕУ кои веќе имаат воведено забрани за негов влез.

Како клучни причини за забраната, словенечките власти го наведуваат подривањето на уставниот поредок на БиХ и ризикот по регионалната стабилност. Додик, кој е близок сојузник на Москва и Белград, и натаму се соочува со санкции и ограничувања од повеќе западни држави, а ЕУ и САД предупредуваат дека неговата реторика за отцепување ја продлабочува политичката криза во БиХ по војната.

Црна Хроника

Лажел дека е туристички агент и украл 6.080 евра

Кривична пријава за измама поднел СВР Куманово против Е.Б.(33) од Куманово.

Како што соопшти полицијата, тој се претставил како вработен во туристичка агенција во Куманово и на измама од едно лице, за резервација за летување за две семејства во Турција, зел 373 890 денари (6.080 евра), соопшти СВР Куманово.

Црна Хроника

Кривична за багеристот што го остави Тетово без струја

СВР Тетово поднесе кривична пријава против Б.А. (44) од с. Боговиње, како и против Ф.А. (45) од с. Боговиње, управител на правен субјект, товарејќи ги за сторено кривично дело „уништување или оштетување на јавни инсталации“.

На 29 септември, првопријавениот во дворот од Клиничка болница Тетово, додека работел со багер во сопственост на правното лице, оштетил електрични кабли за струја, по што, голем дел од градот Тетово останал без електрична енергија.

Црна Хроника

Интервентната полиција приведе тежок криминалец – МВР со детали

Лишено од слобода лице барано со потерница за издржување казна затвор

Денеска (18.12.2025) во 16:30 часот полициски службеници од Единицата за интервентна полиција при СВР Скопје по издадена судска наредба го лишија од слобода Е.Т. (26) од Скопје во врска со сторено кривично дело “Тешка кражба” за издржување на казна затвор во времетраење од три години.

По целосно документирање на случајот лицето ќе биде предадено во казнено-поправна установа.