Вицепремиерот Николоски најави значителен напредок во реконструкцијата на ГОБ „8 Септември“, проект кој се реализира преку концесијата на ТАВ за скопскиот и охридскиот аеродром. Од вкупно 12 милиони евра, средствата ќе бидат насочени за целосна реконструкција на хируршкиот блок, блокот за Патологија, блокот за биохемија и целосно опремување според најмодерни стандарди.
Николоски истакна дека граѓаните ќе добијат најмодерна болница, додека лекарите ќе работат во современи и функционални услови. „Она што е од големо значење е што докторите ќе добијат модерни услови за работа, а пациентите ќе добијат можеби најмодерна болница во целата држава“, изјави вицепремиерот.
Тој додаде дека соработката со ТАВ ќе продолжи и во иднина, со надеж за нови општокорисни проекти кои ќе придонесат за подобрување на јавната инфраструктура.
