Американскиот десничарски активист Чарли Кирк беше застрелан на собир на Универзитетот во Јута, непосредно откако одговарал на прашања од публиката за масовните пукања во САД.
Кирк на собирот зборуваше за наводни трансродни масовни пукања во земјата. Еден од присутните го праша: „Дали знаете колку трансродни Американци извршиле масовни пукања во последните 10 години?“
„Преголем број,“ одговори Кирк.
Следното прашање од публиката гласеше: „А знаете колку биле вкупно масовните стрелци во САД во последните 10 години?“ Кирк возврати: „Дали сметаме насилство на банди или не?“
Само миг подоцна се слушна пукањето. На видеата што кружат на социјалните мрежи се гледа како Кирк паѓа на сцената, со повреди на вратот.
Во болница, Кирк почина од здобиените повреди, додека напаѓачот сè уште е во бегство.
