Студија на Универзитетот во Ексетер покажа дека редовната консумација на сок од цвекло, богат со нитрати, значително го подобрува оралниот микробиом и го намалува крвниот притисок кај повозрасни лица. Истражувањето опфатило 78 здрави учесници поделени во две групи: 36 повозрасни (65–80 години) и 42 помлади (18–30 години).
Резултатите покажаа:
• Подобрување на оралниот микробиом – намален број штетни бактерии и зголемен број корисни.
• Намалување на крвниот притисок кај повозрасни – во просек 7 mmHg пониски систолички вредности.
• Без ефект кај помлади – затоа што веќе имале нормален притисок.
• Плацебо и антисептик немаат ефект – само сокот од цвекло покажал значаен резултат.
Цвеклото е природно богато со нитрати, кои телото ги претвора во азотен оксид, што ги опушта и шири крвните садови, подобрува протокот на крв и го намалува притисокот. Сличен ефект имаат и спанаќ, блитва, рукола и ротквици.
Препорачана дневна доза е околу 140 мл сок од цвекло, што лесно може да се вклучи во утринската или вечерната рутина. Покрај сокот, корисно е и варено или печено цвекло, како и комбинирање со друго зеленчук богато со нитрати. Стручњаците препорачуваат и медитеранска исхрана, редовна физичка активност, квалитетен сон и ограничување на солта и алкохолот за долгорочно одржување на здрав крвен притисок.
