Американскиот претседател Доналд Трамп се обрати пред новинарите на Јужниот тревник на Белата куќа, пред заминувањето за Њујорк, со изјава во врска со смртта на конзервативниот активист Чарли Кирк.
Трамп потврди дека разговарал со семејството на Кирк и изрази сочувство до неговата сопруга Ерика, за која рече дека е „апсолутно скршена“. Претседателот истакна дека Кирк бил застапник на ненасилството и повика јавноста да реагира мирно по трагедијата.
Говорејќи за вооружениот напаѓач, Трамп го нарече „радикален левичарски лудак“ и „животно“, додавајќи дека истрагата напредува, но без да открие повеќе детали. „Се надевам дека ќе го фатиме и ќе се справиме со него соодветно,“ рече тој.
На прашањето за сопствената безбедност, Трамп одговори дека „не е навистина загрижен“ за себе, но е загрижен за земјата. „Имаме одлична земја, но таму има радикална левичарска група лудаци. Ќе го решиме тој проблем,“ нагласи американскиот претседател.
