Црна Хроника

Тројца работници загинаа, двајца повредени во несреќата на патот Штип – Радовиш

Тешка сообраќајна несреќа утринава се случи на експресниот пат Штип – Радовиш, кај мостот на Балталиска Река во близина на селото Лакавица, кога комбе со работници излетало од коловозот.

Според информациите, тројца работници починале, а двајца се тешко повредени. Директорот на ЈЗУ Здравствен дом „Панче Караѓозов“, Горан Андонов, изјави за МИА дека медицинскиот тим на лице место констатирал смрт на две лица, додека третиот работник, иако бил реанимиран, подоцна подлегнал на повредите.

Според првичните податоци, станува збор за работници од Бангладеш, ангажирани од струмичка фирма. Повредени се уште еден работник и возачот на комбето.

Директорот на Клиничка болница – Штип, Владко Захариев, потврди дека едно лице е хоспитализирано и во моментов е под лекарски прегледи.

Надлежните институции работат на утврдување на причините за несреќата.

Црна Хроника

Драма во Скопје – масовна тепачка со опасни предмети меѓу две групи!

– На 23.12.2025 во 20:20 часот во СВР Скопје е пријавено дека на подрачјето на Гази Баба бил нарушен јавниот ред и мир со физичка пресметка помеѓу Ф.И.(38) и М.С.(38) од една страна и М.Н.(49) и Б.Н.(44) од друга страна, сите од Скопје, при што биле употребени и тврди предмети, стои во денешниот полициски билтен.

По целосно документирање на случајот ќе следува соодветен поднесок.

Црна Хроника

Возач нападнал полицајци при обид за апсење на патот Охрид-Струга

На 12 декември 2025 година, на регионалниот пат Охрид-Струга, полициски службеници од СВР Охрид дале знак за запирање на патничко возило управувано од Е.О. (27) од Охрид. Наместо да застане, возачот се обидел да удри полицајци и избегал од местото на настанот.

Подоцна истиот ден, во село Требеништа, општина Дебарца, Е.О. бил забележан повторно. При обидот за апсење, тој физички нападнал полицајци и повторно се обидел да избега.

СВР Охрид поднесе кривична пријава против Е.О. за напад врз службено лице при вршење работи од безбедноста. Инцидентот ја истакнува сериозноста и опасноста од непочитување на наредбите на полицијата и ризиците со кои се соочуваат службените лица.

Црна Хроника

Млад човек осомничен за пожар во куќа поради долгови

Надворешната канцеларија за криминалистички работи во Ресен поднесе кривична пријава против Д.К. (27) од Ресен за постоење основи на сомнение за кривично дело „предизвикување на општа опасност“.

На 2 септември 2025 година, во куќа во село Јанковец, каде престојува А.М., пријавениот поради нерасчистени должничко-доверителски односи ги запалил скалите на куќата.