Коалицијата ВРЕДИ реагира на, како што велат, долготрајната пракса на корупција и злоупотреби, нагласувајќи дека „време е украдениот имот да се врати кај граѓаните“.
Во денешното соопштение тие најавија конкретни институционални мерки за справување со имот стекнат преку криминал или корупција. Една од клучните одлуки е назначувањето на вицепремиерот Арбен Фетаи за претседател на Националниот совет за финансиски истраги и конфискација на имот – институција која ќе гарантира дека незаконски стекнатиот имот нема да остане во рацете на сторителите.
ВРЕДИ ја оцени оваа промена како историска, бидејќи првпат Албанец ќе ја предводи оваа институција, што според нив е пресвртна точка во борбата против злоупотребите.
Воедно, упатија критика кон ДУИ, обвинувајќи ја дека била дел од системот кој, како што велат, „чувал стража“ над злоупотребите. ВРЕДИ потенцира дека државата мора да покаже дека владеењето на правото важи за сите, без исклучок.
