Во САД се бележи бран на отпуштања и дисциплински мерки против лица кои на социјалните мрежи критички се осврнале на убиството на десничарскиот активист Чарли Кирк. Десетици наставници, пожарникари, новинари, но и вработени во војската, Пентагон и спортски клубови ги изгубиле работните места поради своите коментари.
Администрацијата на Доналд Трамп најави мерки против лица кои, како што е наведено, „го слават, оправдуваат или омаловажуваат“ убиството на Кирк. Министерот за одбрана Пит Хегсетх побара да се идентификуваат сите војници и вработени во Пентагон кои на мрежите ја поддржале или исмеале трагедијата.
Во меѓувреме, конзервативни активисти и политичари јавно објавуваат профили на лица со „непожелни“ коментари, а некои се соочуваат со закани и повици за отпуштање. Неколку републикански законодавци дури предлагаат депортации, забрани за користење на социјални мрежи и судски постапки против критичарите.
